Vaogagana o Fesootaiga

SamoaCultureCentre

Phone 23 333 mob 720 8413

This email address is being protected from spambots. You need JavaScript enabled to view it. | www.samoaculturecentre.ws

Polokalame Faapitoa mo:

Aganuu/Gagana Samoa

O mafai ona e talanoa ma le to’a i le mamalu o le atunu’u e afifioatu i louofisa?

O mafai ona e momoli ou lagona i le atunuu i se gagana e talisapaia mai ai e le atunuu le fe’au/faigafaavae/tulaga masaniai le matagaluega i mataupu faapea?

O le ā sau tali e fofoga ai le atunuu ua teena sa latou talosaga e aunoa ma le faamanu’alia o se finagalo?

Ua amata la outou feiloaiga i se lauga a le sāvali a se afio’aga ua to’ai taunuu, ua e nofo sauna ea e taliatu i lena lauga?

A faapefea pe a e malaga atu i se mataupu faaofisa i tua i nu’u, ae faafuase’ia oe i se ‘ava e u’u ane e se tulafale. Ua e sauni e faisau upu e tusa ma le faaaloalo?

Ua mae’a se mataupu na faatino i tua i afio’aga/alalafaga ae momoli ane sa outou faaoso ae paga lea, ua lipi ola lava ma se seleni o iai i lautaga, o le ā nei sau upu e faiatu i le nu’u e tusa ma le mā’au ma le faaaloalo lea?

Ua to’atele le mamalu o le atunuu ua oso faafuase’i le gasegase ona o feiloaiga faapea, ua oso ai le toto maualuga, faaletonu ai ma le tātā o le fatu ona o se faafitauli e ese ma le faigofie ona fō’ia.

A e fiamaua le fofō o nei faafitauli uma ua ta’ua i luga a’e, resitala nei loa mo le Polokalame faapitoa ua faaigoaina:  Vaogagana o Fesoota’iga. Ua saunia lenei polokalame faapitoa e le Samoa Culture Centre i Falelauniu. E tapena ai oe mo lauga pupu’u faigofie, folafoaga o ‘ava ma faaaloaloga faaSamoa, ete maua uma i lenei polokalame.

O le uiga o le Vaogagana o Fesoota’iga = O ituaiga gagana eseese e fesoota’iai le atunuu. Aemaise le gagana e ao ina gagana ai le public servant talavou pe a feagai ma le mamalu o le atunuu.

“O le tagata ma lona faasinomaga. Tama a le manu e fafaga i fuga o la’au, ae o le tama a le tagata, e fafaga i upu ma tala.”Resitala nei loa i le polokalame o Upu ma Tala i le Vaogagana o Fesootaiga.

Sini Autu: Ia mae’a ane le polokalame, ua mafai lava e oe ona tapena so o se ituaiga lauga e aunoa ma sou toe fesilisili i se matai e fesoasoani atu.

Aloa’ia ma Amana’ia: O lenei polokalame ua mae’a faamauina ma aloa’ia e le Samoa Qualification Authority.

Faia: Samoa Culture Centre, Falelauniu/Tafaigata; 

telefoni: 23 333 / 720 8413

Faafetai.